Jolautstilling på Voss

Ja, det har vore jolautstilling på Galleri Voss i adventstida. Ja, dei har hatt pulsvarmarar og luer frå meg der... Men har eg turt å skrive noko om det her? Nei... :)

I november ringte Grete frå Voss kunslag til meg. Ho hadde sett pulsvarmarane mine, og syntest dei passa fint å ha på juleutstillinga til Voss kunstlag i Galleri Voss. Eg vart sjølvsagt veldig glad og smigra, og samtidig var det utruleg skummelt, eg som berre har strikka for moro heime i stugu liksom... No var eg plutseleg nesten kunstnar... Men eg klarte jo heller ikkje å si nei. Så då vart det slik da. Eg var til og med på utstillingsopninga, og måtte gå meg ein lang tur etterpå så eg kunne summe meg. Men heime venta Champagne og ein stolt familie, så det vart stas til slutt.

No har eg vore gjennom det ein gong, og neste gong blir det BERRE stas - om det finnast fleire som likar det eg lagar ;)

Prinsesseenglar

Joda, dette er prinsesseenglar
Eg er heldig og har ei fantastisk venninne som går på Asarte. Som gåve til Märtha og Elisabeth ville ho gje bort englepulsarmarar som eg har laga. Det var verkeleg stas! Tusen takk for oppdraget, eg føler meg beæra :)

Slik vart dei

Samandrag? :)

Hoi, her var det lenge sidan!
Spørst om kvardagen innhentar "aleinemora" og blogginga har vorte siste prioritet ja. Så prøver me litt igjen, og så ser me korleis det går. Sjølv om det ikkje har vorte produsert så mange orda på denne sida har det vorte produsert ein del masker i den verkelege verda. Det har også vorte veranda og platting og steinmur - og ny plate!

Her er nokre små eksempel:

Veranda og platting - ja, sjølvsnikra med god hjelp av pappa!

Steinmur - mura heilt sjølv :)

 

Diverse strikkaplagg

Og Cd-produksjonen:

Til himmels - med gangar og pols

Her kan du lese meir om produksjonen vår:
http://www.folkemusikk.no/til-himmels-med-gangar-og-pols.5142171-137125.html

Her kan du høyre på plata:
http://wimp.no/wweb/album/?album=18236632

Og om du vil kjøpe plata så sender du ein epost til meg:
Ingunn.s.lie (at) gmail.com

Garnkaos, strikkekaos, englekaos - eller berre kaos?

Ja, nokon gonger kan det vere kaos, både på det eine og den andre området. I kjellaren står det 11 kasser med garn - i eit stort kaos. Eg lovde meg sjølv å ikkje kjøpe meir garn i starten av dette året, men slik vart det jo aldeles ikkje... Ikkje uvanleg forresten det der. Eg bestemmer meg for kjøpestopp både no og då, men eg har vel ikkje til no klart å gjennomføre to veker etterkvarandre trur eg ;)

På stugubordet er det englekaos. Eg starta å lage englar like før jul. Desse har vorte øyredobbar, nøkleringar og vinmerker og dei har selt som berre det på frida makeløs. No har eg og min mann feira bursdagane våre i eit ganske så stort lag, og alle gjestene fekk kvar sin engel på tallerken. Så det har verkeleg vore englekaos her.

Og med ny jobb og ny livssituasjon har visst blogginga kome langt ned på lista. Strikking derimot har eg fått gjort litt av alle kveldane eg sit heime aleine i strikkestolen min. Her er ei lita bildekavalkade av det som har vorte laga. Det meste er også lagt inn på butikken frida makeløs, og mykje er alt selt :) Heldige meg som får levere produkta mine dit! Tusen takk!

Mønster: Elf-clobber

Garn: Dalegarn Falk og Sandnesgarn Silk Mohair

Pinne nr 3,5 og 4

Mønster: Leggvarmarar til ei lita bursdagsjente

Garn: Dalegarn Falk og sølvtråd

Pinne nr 5

Mønster: Lange pulsvarmarar - improvisert

Garn: Dobbel tråd med Drops Alpaca

Pinne nr 4

Mønster: Fjellkyrkjeenglar

Garn: Drops Alpaca

Pinne nr 2,5

Mønster: Engle-Marius (tre par)

Garn: Sisu

Pinne nr 2

Mønster: Mariuspulsvarmarar

Garn: Sisu

Pinne nr 2

 

Frida Makeløs

Frida Makeløs sel pulsvarmarar så det kost etter :) Og eg er sjølvsagt kjempeglad for det! Eg kjenner det er både veldig kjekt at folk likar det eg lagar, men også ganske skummelt på eit vis. Veit ikkje heilt kvifor...

For dei som ikkje har vore på Frida Makeløs kan de gå på heimesida hennar her. Dette er den mest fantastiske butikken eg har vore inne i. Det er DER julegåvene i år vert kjøpt :)

Eg veit ikkje kor mange pulsvarmarar eg har selt der på berre nokre dagar, men i alle fall var ho utselt for "signatur"-pulsvarmaren min, den eg har kalla "Fjellkyrkjeenglar". Navnet fekk dei etter at dei vart "oppdaga" av søte Inger Randi i Vats fjellkyrkje i fjor haust då eg spelte på gudsteneste der.
Men sidan det ikkje var att fleire i butikken strikka eg to par til som eg leverte dit, eit med grøn bord og eit med lilla bord.

Mamma, hva er det du gjør med sparken min???

Mønster: Fjellkyrkjeenglar

Garn: Drops Alpaca

Pinne: nr 2,5

Ein heil engleskare

Eg har hekta meg opp - igjen. Denne gongen er det englar - vart du overraska no ;)?? Eg heklar dei til Frida makeløs sin flotte butikk der eg er så heldig å få levere nokre av strikketinga mine. Og der passa det kanskje med nokre hekla englar også fann me ut. Eg gledar meg til opningen 24.november!

Englane er hekla i garn som er kjøpt på Nille. Eg fekk nesten 10 englar av eit nøste, og no er engleskaren oppe i 60! Hekla rundt 15 engalr på ein liten kveld, men brukte minst like lang tid på å feste trådane... og det er den kjedligaste jobben eg veit om altså!

Favoritten min: Engel med svarte vinger ;)

Marius-englar

...eg kunne ikkje berre poste Alve-pulsvarmarar... Det måtte jo sjølvsagt kome englepulsvarmarar også. Eg fekk plutseleg ein ide om å putte ein engel inn i mariusmønsteret. Det er så mange som har gjort om den tradisjonelle Marius, så då havna altså engelen inn i min Marius.

Eg har strikka nokre par av desse, og eg likar dei kjempegodt - sjølvsagt fordi dei har både favorittmønsteret mitt Marius, men også favoritten min engelen!

(Har stole Strikkelisa sin måte å oppsummere garn, pinnar og oppskrift på. Synest den var så dekkande. Unnskyld ;) )

Garn: Sandnesgarn Sisu

Pinnar: nr 2 og nr 2,5

Oppskrift: Marius med min eigen vesle engel

Englane frå New Zealand

Okey... eg må vise fram englane mine frå New Zealand. Eg har som mål å få tak i ein engel frå kvart land eg er i. Men med berre i underkant av ein time til shopping i løpet av heile opphaldet på New Zealand er det ikkje så enkelt. Trur eg var innom alle butikkane i Dannevirke og spurde om dei hadde englar, utan hell. Men i ein bokhandel hadde dei i alle fall dette fantastiske kortet.

Angels are everywhere

Sometimes we feel that we are all alone,

as life brings us challenges to overcome 

and hardships to bear.

But when we least expect it, help can appear.

It may be a kind word from a stranger or a 

phone call at just the right time,

and we are suddenly surrounded 

with the living grace of God.

Miracles happen every day 

because angels are everywhere.

Så i det me skulle reise og alle sat i bilen og venta skulle berre ein av reisefølget inn i ein siste butikk, og eg tenkte at dersom han skulle inn kunne eg og springe inn i staden for å sitte i bilen. Og DER hadde dei englar! Først fann ho som jobba der fram denne flotte engelen i stein. Det er faktisk ein "dobbeltengel", det er ein liten engel på toppen av den andre engelen, men det er nesten umogleg å sjå. Englen havna i alle fall på toradersekken min og har budd der sidan. Det er nok ein torader-engel.

Etterpå fann dama i butikken fram ein heil masse handlaga englar frå Christchurch. Eg kjøpte nesten alle ho hadde, sikkert ti stykker. Dei var berre så flotte, og eg var kjempeglad for å endeleg ha fått tak i englar frå New Zealand. Denne her er eigentleg bitteliten, berre to cm stor.

Så gjenstod det berre to land, Australia og Hong Kong... I Australia var me berre i to dagar, og der fann eg ingen englar, bortsett frå denne, hihihi...

Ein dag skal eg nok få meg ein slik engel på ordentleg, men det var jo greit å ha prøvd den uekte typen først ;)
I Hong Kong var me berre ein dag, og sjølv om eg var heile den dagen på marked så fantest det ikkje ein einaste engel der. Budda-figurar var det derimot mange av. Ikkje så rart kanskje, sidan det etter det eg veit ikkje er så mange englar i korkje budhismen eller hinduismen... ;)
Men eg fann eit svart hol...

Fare for svarte hol... ;)

Årets julegåve

På ønskelista kvar jul står det alltid strikkebøker øverst på lista. Dette ser nokon av dei gjævaste gåvene eg får. I år var det to bøker som eg spesielt hadde ønska meg, Arne og Carlos si bok Julekuler og Annemor Sundbø si bok Norske votter og vantar. Og jammen fekk eg begge to av min mann! Snill ektemann eg har. På merkelappen stod det "Til ho som er strikkegalen frå han som bur i eit garnnøste" :)

Votter har eg ikkje starta på endå, men det er mange spennande mønster her, og eg har kosa meg og lest og studert boka mange timar allerede. Det må også seiast at eigentleg fekk eg boka til Arne og Carlos litt før jul, så det vart strikka 10 julekuler i diverse julegåver. Eg likte sjølvsagt englemønsteret best, så det vart flest av det, men også andre kuler.

Englevottene mine

Jaja, slik er det å jobbe med festival, då blir det ikkje noko blogging før festivalen er over... Men strikke har eg sjølvsagt gjort likevel :)

Oppskrifta på Hardingfelevottene mine vart lagt ut som "Årets festivalvott" under Folkemusikkveka, og dei vart godt motteke.  Akkurat no fann eg ikkje heilt ut korleis eg skal legge ut oppskrifta her på bloggen min, men så fort eg får det til skal eg legge ut Hardingfelevottene mine som Pdf.

Elles legg eg etter kvart ut bilder av litt av kvart som har vorte ferdig sidan sist, men startar med favoritten min. Det er Englevottene! Desse starta eg på i februar, og dei var ferdige då også. No skal eg også lage ei ordentleg oppskrift på dei. Driv og strikkar eit par til ei venninne som treng to konkrete englar å sjå på når livet er kaldt, urettferdig og vanskeleg. Dei blir i lilla og naturkvit, men denne gongen med kvite engar og lilla bakgrunn. Englane er Guds sendebod, og for meg eit symbol på noko godt, trygt og heilagt.

Vottene er strikka i alpakka, og har fleire av mine favorittelement i seg: Englane, korset, hjartet og det firkanta korset på toppen og på tommelen. Dette kan også vere ei stjerne, alt etter kva bilder ein ønsker å bruke sjølv :)
Trekantmønsteret i handflata er eit gamalt symbol på Den heilage treeininga, og som eg fann i boka Selbuvotten av Terri Shea. Tenkte det passa fint inntil englane, og mitt religiøse innhald i votten.