Kyrkjeenglar

Eg fann eg fann... På tavla utanfor kyrkja har det henge ein engel etter ei familiegudsteneste i haust. Den var så veldig fin, og hadde ei nydeleg bibelvers skrivi på magen. Etter å ha vore teke ned ei stund hadde det for nokre veker sidan kome opp att ein ny engel, denne gongen med velsigninga på seg. Nydeleg kyrkjeengel dette - til nokon som kanskje treng velsigninga der ute i natta ved kyrkja...

Eg vil nok ein gong seie TAKK til alle som vågar å vere kvardagsenglar, enten dei veit det eller ikkje!

Når gubben er borte dansar kjæringji på bordet...

Gubben er ute og heile kvelden er berre min! Eg har henta meg eit glas kvitvin,  høyrer på fantastisk musikk og har fire ulike strikkeprosjekt ved sida av meg i sofaen. Sjølv om det regnar er jo kvitvinsesongen starta, og glaset er fyllt med Petit Chablise - favoritten min over alle kvitvinar! Over stereoanlegget let plata "Låtar 2" med Gunnar Idenstam og Johan Hedin. Det er ei heilt fantastisk plate, Idenstam spelar orgel og Hedin nykkelharpe, og dei let folkemusikk og orgelklangar smelte saman til noko "nytt". Eg brukar musikk bevisst i sinnstemingar, og eg kan ofte late musikk gå inn i hjartet mitt og slik bruke den til noko positivt og godt dersom livet er tungt. Dette er ei plate og musikk som kryp langt inn i sjela mi, på innsida av hjartet, og som kan gje meg eit smil om munnen, uansett kva sinnstemning eg er i.

Eg har fått eit sterkt forhold til Gunnar Idenstam som musikar og musikken hans i det siste. Før jul bestillte mannen min ei plate heilt tilfeldig på nettet. Det var ei anna plate han eigentleg skulle kjøpe, men så tok han med "FolkJul" i tillegg, berre for moro. Denne plata er ei juleplate med Lisa Rydberg, Sofia Karlsson, Emma Härdelin, kor, og sjølvsagt Gunnar Idenstam, og er det mest fantastiske som eg gjeve ut av juleplater (for meg da). Eg høyrde på denne kvar dag i heile advents- og juletida, og den har gjeve meg, juletida og adventstida ein heilt ny dimensjon. Eg må berre seie: Den er noko eg anbefaler til alle - plata har forandra MEG! Det var dagens reklame... Både denne plata og dei to andre med Gunnar Idenstam kan forresten kjøpast på cdon.com. ;)

Garnfangst på nettet

2,6 kilo garn i posten :)

Sjå kva som har kome i posten!
Søs tipsa meg om ei bra side med garn, 123knit, og til saman gjekk me totalt berserk...! I posten kom det heile 26 hesper med ullgarn frå New Zealand, og berre 7 av dei var søs sine. Jaja, jammen godt eg framleis hadde hespetreet hennes, ellers hadde eg vel sitti og nøsta opp garn endå. Etter ein heil ettermiddag og kveld vart dette resultatet:

Garnet er to tråds ullgarn, og heilt fantastisk mjukt og deilig. Eg hadde nok ein slags plan for kva eg skulle bruke garnet til når eg bestillte det, men akkurat no kan eg ikkje heilt hugse kva eg hadde tenkt. Planen var i alle fall å strikke eit sjal til meg sjølv. Eg har lenge sett på eit sjal frå oppskriftsheftet Alpakka 1 frå Rauma design, og det hugste eg i alle fall at eg hadde planlagt. Som botnfarge vart det mørk raud, og stripene skal vere i to ulike gulfarger og to grønfarger. Håpar det blir så fint som eg har sett det for meg. Det var sjølvsagt fort å kome i gang med sjalet, vart så veldig ivrig når garnet endeleg var kome i hus og måtte jo berre starte på eit eller anna med ein gong. Men eg strikkar sjølvsagt på mange ting samtidig, så det kjem nok til å ta sin tid før det er ferdig. Det gjer ikkje noko, det er kjekt å strikke på det innimellom alt anna :)

Her er fargene til sjalet. Det kvite høyrer ikkje til altså :)

Hespetre er IKKJE oppskrytt!

Det har opna seg ein ny verden! Veslesøs ønskte seg hespetre til bursdagen. Eg reiste Hallingdal rundt for å oppdrive eit hespetre. Dei fleste butikkane eg spurte i berre såg dumt på meg og lo og forstod ikkje kva eg spurte om. Hihihi... Men Husfliden på Gol hadde faktisk to! Søs som bur i Trondheim hadde ikkje bruk for det med ein gong, så hespetreet bur framleis hjå meg. Først nøsta eg opp alt garnet eg hadde kjøpt i New Zealand, til saman over 4 kilometer med garn. Så kom søster mi med ein "oppnøstar" (kva heiter det eigentleg?), og då vart det jo såååå enkelt å nøste opp garn! Og den som kanskje er aller mest fornøgd er min mann som slepp å leike hespetre ;)

Se min kjole!

Her er eit innlegg som eg ikkje hadde posta. Dette er skrive i midten av januar:

"Eg er endeleg ferdig med tunikaen i mariusmønster!! Eller, eg vart ferdig forrige helg. Eg har måtta vore heime med sjuke ungar nokre dagar og då vart det strikka ein god del. På fredag såg eg at dersom eg strikka ganske mykje på laurdagen kunne eg bli ferdig med tunikaen til gudstenesta på sundag. Klokka 02 natt til sundag var eg ferdig med å feste alle trådar, og tenk kor stolt eg var over å kunne bruke den på folkemusikkgudstenesta sundag morgon! Tunikaen er strikka i Sandnes tynn-alpakka, og i svart, kvitt og raudt. Når eg strikka den hadde eg ikkje fått prøvd den om eg har strikka rett størrelse, om den i det heile teke passa. Eg var så glad at eg nesten felte ei tåre når eg laurdagsnatta tok den på meg for første gong og den var PERFEKT!!Perfekt var også folkemusikkgudstenesta sundag morgon med Nils Økand Trio!"

 

 

Og tunikaen er brukt igjen og igjen i vinter. Sjølvsagt måtte eg jo ha pulsvarmarar til dette plagget (som til alle andre kle eg har...), så då vart det strikka pulsvarmarar i ein fei også :)

Kvikk lunsj

Eg skulle berre så vidt innom på garnbutikken for å handle EITT garn som eg mangla til nokre votter. Ved kassa låg oppskrift og garn på Kvikk Lunsj lue, og eg var solgt... Berre eit garn vart til fem, og lua vart strikka på eit seminar eg var på i Trondheim. Då eg kom heim og viste den til gutane mine fekk eg streng beskjed om at slik ville dei også ha! Då var det berre å reise ned på garnbutikken att å handle meir garn. Eg vart så utruleg lei av å strikke same mønsteret, at eg tenkte at dersom eg i det heile teke skal få ferdig fire LIKE luer må eg strikke alle samtidig. Som sagt så gjort... Dei vart ikkje ferdig til påske, men til neste påske har heile familien like Kvikk Lunsj luer!

Vaksenluene er strikka i Sandnes Falk etter oppskrifta til Husfliden. På barneluene har eg brukt same oppskrifta men med tynnare garn, Sandnes Sisu. Men Sisu har ikkje den rette grønne farga, så der brukte eg Falk men drog ut den eine tråden så tjukkelsen vart omtrent den same som Sisu. Mykje arbeid, men resultatet vart fint :)

MEN, eg skal ALDRI strikke fire heilt like luer igjen....

Englane frå New Zealand

Okey... eg må vise fram englane mine frå New Zealand. Eg har som mål å få tak i ein engel frå kvart land eg er i. Men med berre i underkant av ein time til shopping i løpet av heile opphaldet på New Zealand er det ikkje så enkelt. Trur eg var innom alle butikkane i Dannevirke og spurde om dei hadde englar, utan hell. Men i ein bokhandel hadde dei i alle fall dette fantastiske kortet.

Angels are everywhere

Sometimes we feel that we are all alone,

as life brings us challenges to overcome 

and hardships to bear.

But when we least expect it, help can appear.

It may be a kind word from a stranger or a 

phone call at just the right time,

and we are suddenly surrounded 

with the living grace of God.

Miracles happen every day 

because angels are everywhere.

Så i det me skulle reise og alle sat i bilen og venta skulle berre ein av reisefølget inn i ein siste butikk, og eg tenkte at dersom han skulle inn kunne eg og springe inn i staden for å sitte i bilen. Og DER hadde dei englar! Først fann ho som jobba der fram denne flotte engelen i stein. Det er faktisk ein "dobbeltengel", det er ein liten engel på toppen av den andre engelen, men det er nesten umogleg å sjå. Englen havna i alle fall på toradersekken min og har budd der sidan. Det er nok ein torader-engel.

Etterpå fann dama i butikken fram ein heil masse handlaga englar frå Christchurch. Eg kjøpte nesten alle ho hadde, sikkert ti stykker. Dei var berre så flotte, og eg var kjempeglad for å endeleg ha fått tak i englar frå New Zealand. Denne her er eigentleg bitteliten, berre to cm stor.

Så gjenstod det berre to land, Australia og Hong Kong... I Australia var me berre i to dagar, og der fann eg ingen englar, bortsett frå denne, hihihi...

Ein dag skal eg nok få meg ein slik engel på ordentleg, men det var jo greit å ha prøvd den uekte typen først ;)
I Hong Kong var me berre ein dag, og sjølv om eg var heile den dagen på marked så fantest det ikkje ein einaste engel der. Budda-figurar var det derimot mange av. Ikkje så rart kanskje, sidan det etter det eg veit ikkje er så mange englar i korkje budhismen eller hinduismen... ;)
Men eg fann eit svart hol...

Fare for svarte hol... ;)

Kyrkjegarn

Eg er SÅÅÅ facinert av det kyrkjespunni garnet frå New Zealand. Kjem ikkje over at husflidslaget sat i kyrkja og strikka og spann garn. No har eg fått fleire bilder frå New Zealand av ein fotograf som var på festivalen, Peter McDermott. Her er tre bilder til av dei fantastiske damene som sat i kyrkja. Fyrste bildet er av alle saman, og med sjefsdama fremst med loddbok. Andre bildet er av ho som eg fekk kjøpe garn av, og siste er av ei av dei andre damene som berre såg så fantastisk ut! Eit sterkt og flott minne frå andre sida av verda.

Alle damene ved altaret :)

Denen snille dama selte meg garnet sitt!

Flott dame og flott hårplagg!

Garnfangst på New Zealand

Eg er heldig. Kjempeheldig. Eg har fått fått reise til New Zealand, Australia og Hong Kong på jobb for å spele og danse. JA - eg er kjempeheldig!
Turen varte i 11 dagar og fritid var det svært så lite av. Dansing og speling var det derimot mykje av! Men etter mottaking og danseoppvisning hjå ordføraren i Dannevirke fekk me ein halv time fri til handling. Turen gjekk sjølvsagt då inn i alle butikkar der det kunne vere mogelegheit for å få kjøpt lokalt garn frå New Zealand. Det var ikkje så enkelt, for nesten alle på New Zealand som strikka spann garnet sitt sjølv vart eg fortalt. Men likevel, her er fangsten frå landet på andre sida av verda:

Det er til saman 1500 gram (og 4 km) garn. Var litt usikker på om eg fekk tatt med garnet inn til Australia dit me skulle etterpå, men det gjekk heldigvis fint. Australia har jo så strenge reglar for kva ein kan ta med inn i landet og ikkje, men kjempeglad for at eg fekk med meg garnet mitt heim!

Det mørkebrune garnet heiter Wanaka Station og er frå Christ Church. Det er spinni frå svart og kvit saueull og er ikkje farga i etterkant. Det lysebrune og kvite garnet heiter Kairanga Handcrafts og er frå Palmeston North. Ulla er frå farga sauer som er avla i Manawatu. Manawatu er ein region heilt sør på nordøya, og det var der me var det aller meste av tida me var på New Zealand. Men det kjekkaste garnet å få tak i er det kvite garnet på toppen av garnstablen på bildet. I eit lite ledig augeblikk i Norsewood gjekk eg innom kyrkja, og der inne sat det lokale husflidslaget (Dannevirke spinners and weavers) og spann garn! Tre damer sat rundt altaret med kvar sin rokk! Eg vart eigentleg så overraska at eg eigentleg ikkje fekk teke eit ordentleg bilde av dei, så dette var det beste eg hadde...

Kyrkjespunni garn!!

Men uansett, garn-galen som eg er spurte eg om dei hadde garn til salgs, noko dei eigentleg ikkje hadde. Men ei snill dame hadde akkurat spunne ferdig ei hespe, og ho solgte den til meg likevel! Kva strikkar ein så av garn som er spunne i kyrkja? Kyrkjevotter eller englar? :)

Marius-bibel

Eg har planer om å strikke meg cover til macen min i mariusmønster. Det er noko eg har veldig lyst på, og eg er jo veldig glad i Marius. Men før eg gjer det tenkte eg at eg kunne strikke meg eit bok-cover som test på ein måte. Det heile starta i grunnen med at mannen til ei venninne av meg tulla og lo og sa at eg skulle vel strikke cover til Bibelen min i Marius-mønster også, sidan alt anna eg har er Marius. Der kom ideen, og då måtte det jo gjennomførast. Coveret er strikka i Sisu, og eg vart ganske så fornøgd med rasultatet. Det skal også seiast at han som gav meg ideen er prest, og eg meiner jo så klart at han også burde ha ein Marius-Bibel. Det står mykje bra i slike Marius-Biblar har eg høyrt nemleg ;)

Blånissane mine

I fjor vinter/vår strikka eg blånisseluer og blånissevotter til gutane mine. Ikkje visste eg at det var Jul på Månetoppen som var julekalender i år. Heldig med den :). Uansett så vart luene og vottene ganske vellukka, og gutane brukar likså gjerne blånisseluene som andre luer sjølv om det lenge etter jul. Det varmar jo hjartet at dei vil bruke det eg strikkar. Luene og vottene er tova i vaskemaskina og strikka med Blåfjellgarn frå Rauma som var på salg etter forrige jul.

Her er blånissane mine :)

Jule-englane

Så var jula pakka ned att. Det er koseleg å sette fram juletinga, men det jammen godt å sette dei på loftet att og. Det einaste eg saknar eg englane mine. Sjølvsagt har eg nokre englar hengande oppe heile året, men det blir fleire av dei i jula. Det er absolutt flest englar i forhold til nissar i huset mitt. Eit lite englehus. Det har berre vorte slik. Til jul fekk eg 10 ulike englar i forskjellige fasongar og med forskjellige meiningar. Denne engelen fekk eg av veslesøs, og ho har laga den sjølv! Det betyr mykje.

 

Englane under fekk eg av mamma vesle juleftan. Eg har hatt min eigen adventskalender der eg set fram ein ny engel kvar dag i adventstida. Det har vore kjempekoseleg for meg. Mamma som ikkje er "englete" i det heile teke kom med to små gåver til meg etter eg og gutane hadde pynta juletreet hennar. Det var desse to englane, der den eine skulle vere den siste engelen i adventskalenderen min. Rørande flott av mamma! Den første er laga av honning og er bitte liten. Den andre har vorte ein heilårsengel og har fått plass i stugu.

Den siste engelen her fekk eg faktisk før jul av ein kvardagsengel. Den er handlaga av ho eg fekk den hjå, og er fantastisk nydeleg. Denne har også vorte ein heilårsengel og kvardagsengel, og for meg symboliserer denne engelen kraft og styrke til å gjennomføre det som er vanskeleg i livet, mot til å stå i det som er vondt, håp om ei lys og lukkeleg verd og tryggheit til å velge det rette!

TAKK TIL ALLE SOM VÅGAR Å VERE KVARDAGSENGLAR!

Årets julegåve

På ønskelista kvar jul står det alltid strikkebøker øverst på lista. Dette ser nokon av dei gjævaste gåvene eg får. I år var det to bøker som eg spesielt hadde ønska meg, Arne og Carlos si bok Julekuler og Annemor Sundbø si bok Norske votter og vantar. Og jammen fekk eg begge to av min mann! Snill ektemann eg har. På merkelappen stod det "Til ho som er strikkegalen frå han som bur i eit garnnøste" :)

Votter har eg ikkje starta på endå, men det er mange spennande mønster her, og eg har kosa meg og lest og studert boka mange timar allerede. Det må også seiast at eigentleg fekk eg boka til Arne og Carlos litt før jul, så det vart strikka 10 julekuler i diverse julegåver. Eg likte sjølvsagt englemønsteret best, så det vart flest av det, men også andre kuler.

Nye, perfekte, skjørt!!

Endeleg har skjørta mine frå London kome! Eg er knallfornøgd, og hoppande, hoppande glad! Litt tull og styr med toll og moms og toll og moms, men når det endeleg ordna seg så var lukka desto større.
Eg har ein favorittkunstnar som jobbar i London. Ho heiter Nicola Quilter, og nettsida hennar finn de her. Eg har falle pladask for skjørta hennar etter at eg møtte henne første gong i London for fire år sidan. Då kjøpte eg også mitt første skjørt - det eg har brukt på pressebilda mine. Etter dette har det berre balla på seg, og i dag har eg sju skjørt...

Etter sterkt press legg eg ut bilder av dei tre nyinnkjøpte. Bilda er henta frå nettsida til Nicola.

EG ER SÅÅÅÅ FORNØGD!! :)

 

Pulsvarmarar med englar

Som mange har fortått har sommaren bore preg av englestrikking. Eg fann nokre fantastiske strikka englar på ei babylue på nettet, og då berre måtte eg prøve å få til englane på pulsvarmarar også! No har eg selt mitt første par av desse, og skal sende til sin nye eigar i veka som kjem. Det er spesielt kjekt å glede nokon med ein engel.

Desse vart mine, og er i så godt som dagleg bruk!

Dette vart ferieproduksjonen i juni og starten på juli :)

Englevottene mine

Jaja, slik er det å jobbe med festival, då blir det ikkje noko blogging før festivalen er over... Men strikke har eg sjølvsagt gjort likevel :)

Oppskrifta på Hardingfelevottene mine vart lagt ut som "Årets festivalvott" under Folkemusikkveka, og dei vart godt motteke.  Akkurat no fann eg ikkje heilt ut korleis eg skal legge ut oppskrifta her på bloggen min, men så fort eg får det til skal eg legge ut Hardingfelevottene mine som Pdf.

Elles legg eg etter kvart ut bilder av litt av kvart som har vorte ferdig sidan sist, men startar med favoritten min. Det er Englevottene! Desse starta eg på i februar, og dei var ferdige då også. No skal eg også lage ei ordentleg oppskrift på dei. Driv og strikkar eit par til ei venninne som treng to konkrete englar å sjå på når livet er kaldt, urettferdig og vanskeleg. Dei blir i lilla og naturkvit, men denne gongen med kvite engar og lilla bakgrunn. Englane er Guds sendebod, og for meg eit symbol på noko godt, trygt og heilagt.

Vottene er strikka i alpakka, og har fleire av mine favorittelement i seg: Englane, korset, hjartet og det firkanta korset på toppen og på tommelen. Dette kan også vere ei stjerne, alt etter kva bilder ein ønsker å bruke sjølv :)
Trekantmønsteret i handflata er eit gamalt symbol på Den heilage treeininga, og som eg fann i boka Selbuvotten av Terri Shea. Tenkte det passa fint inntil englane, og mitt religiøse innhald i votten.

Hardingfelevotter

Eg har lenge tenkt at eg skulle lage eit vottemønster som skulle vere "årets vott" under festivalen eg jobbar i. Mønsteret og fargene er inspirert av dette årets festivaldesign. Etter festivalen i mai kjem mønsteret til å verta lagt ut her tenker eg, men tenker eg skal gjere eit eller anna stunt der først. Det gav verkeleg meirsmak å lage eige mønster slik, og eg er nesten ferdig med eit heilt anna mønster også. Og no når det er OL får ein høve til å strikke samstundes som ein ser på sendingane på tv.

Frustrasjon...

Hmmmm, eg har klart å slette eit eller anna rart i bloggen min... Når ein opnar framsida så kjem ikkje sidespalta opp, men når ein går inn på sjølve innlegget kjem sidespalta opp. Nokon som veit kva eg skal gjere med dette?
Arrgh....

Tilbod på garnbutikken....

Eg skulle berre snike meg så vidt innom garnbutikken... Og der var det halv pris på Blåfjell-garn. Med to søner som vart fornerma når dei måtte vere raude nissar til jul og ikkje blå, så passa jo det perfekt. Eg kjøpte nesten alt dei hadde att på butikken, og det skal bli to nisseluer, tre par vottar og to sitteunderlag. Det var store auge både på gutane og pappan når eg kom heim med to fulle posar og 24 garnnøster...
Må innrømme at luene er ferdig strikka, dei må berre tovast.

Engel

Før eller seinare måtte det kome eit engleinnlegg her :). Denne veka kjøpte eg meg endeleg eit englesmykke! Det er kjøpt på Bok og Media i Oslo, og eg har sett på det i eit halvt år no. Plutseleg så var tida inne for å kjøpe det, og eg er kjempeglad for det! Englar betyr mykje for meg, og er både til trøst og glede.
...og det er godt og trygt å ha ein hengjande runt halsen...

Takk til alle englar i livet mitt!