mandag 30. desember 2013

Votter til dei finaste mannfolka

I haust har eg strikka to par votter. Det er to viktige menn i livet mitt som begge to fylte 70 år dette året. Kva gir ein i gåve til ein 70åring som har absolutt alt? Jo, heimestrikka og eigendesigna votter.

Først var det Bjørn som fylte år. Han har vore min viktigaste støttespelar i Folkemusikkveka, og me har jobba tett i alle år. Eg set han høgt, han er enormt dyktig og i jobbsamanheng kunne eg ikkje klart meg utan han. I tillegg er han ein av Hallingdals (Norges) beste dansarar - det er ein fryd å danse springar med han.
Vottene hans måtte difor ha ei hardingfele, i tillegg til akantusrankar. På innsida kunne det ikkje vere noko anna enn ein hest - Bjørn sin andre lidenskap. Jubilanten var synleg fornøgd med gåva.




Vottene til Bjørn er strikka i Dalegarn Falk.

Så var det Tore som fylte år i haust. Tore var veilederen min under master, og var den personen som verkeleg gjorde at eg kom meg gjennom siste kneika. Utan han er eg sikker på at eg ikkje hadde klart å fullføre - han var der for meg to hundre prosent, heile tida, og han støtta meg på mine premissar, i tillegg til å pushe meg akkurat passe. Tore er tvers gjennom god og flott, og fortente eit par votter kun laga til han. Han er ein tradisjonalist, samstundes som han likar å gå eigne vegar og følge utviklinga. Difor fann eg ei tradisjonell rose som eg forandra litt på (sette inn eit kors i kvart hjørne). I innsida av votten er det på eine handa ein note, og på andre handa ei plate (Tore forskar på skjellakkplater: http://nmh.no/forskning/medskapende_musiker/skjellakkprosjektet/innspilling) Desse vottene vart også godt motteke av den nye eigaren. 







Tore sine votter er strikka i garnet "Hverdags" frå Du Store Alpakka. Dette var eit nytt garn for meg å strikke i, og det førte til at eg måtte strikke første votten fire gonger før eg vart fornøgd med maskeantall, mønsterbreidde og lengde... Men garnet er nydeleg, og vottene vart mjuke og fine. Eit flott garn å strikke mønsterstrikk med.



søndag 29. desember 2013

Knappeluene

I vinterferien hekta eg meg opp i luer. Så har dei liggi her og berre mangla å feste trådane. Endeleg (etter over eit halvt år) er dei nokre av dei ferdige:








Garn: Drops loves you
Pinne nr ca 5
Knapp: Diverse frå det store lageret

Jolautstilling på Voss

Ja, det har vore jolautstilling på Galleri Voss i adventstida. Ja, dei har hatt pulsvarmarar og luer frå meg der... Men har eg turt å skrive noko om det her? Nei... :)

I november ringte Grete frå Voss kunslag til meg. Ho hadde sett pulsvarmarane mine, og syntest dei passa fint å ha på juleutstillinga til Voss kunstlag i Galleri Voss. Eg vart sjølvsagt veldig glad og smigra, og samtidig var det utruleg skummelt, eg som berre har strikka for moro heime i stugu liksom... No var eg plutseleg nesten kunstnar... Men eg klarte jo heller ikkje å si nei. Så då vart det slik da. Eg var til og med på utstillingsopninga, og måtte gå meg ein lang tur etterpå så eg kunne summe meg. Men heime venta Champagne og ein stolt familie, så det vart stas til slutt.

No har eg vore gjennom det ein gong, og neste gong blir det BERRE stas - om det finnast fleire som likar det eg lagar ;)




lørdag 5. oktober 2013

Prinsesseenglar

Joda, dette er prinsesseenglar
Eg er heldig og har ei fantastisk venninne som går på Asarte. Som gåve til Märtha og Elisabeth ville ho gje bort englepulsarmarar som eg har laga. Det var verkeleg stas! Tusen takk for oppdraget, eg føler meg beæra :)

Slik vart dei





mandag 4. mars 2013

Samandrag? :)

Hoi, her var det lenge sidan!
Spørst om kvardagen innhentar "aleinemora" og blogginga har vorte siste prioritet ja. Så prøver me litt igjen, og så ser me korleis det går. Sjølv om det ikkje har vorte produsert så mange orda på denne sida har det vorte produsert ein del masker i den verkelege verda. Det har også vorte veranda og platting og steinmur - og ny plate!

Her er nokre små eksempel:

Veranda og platting - ja, sjølvsnikra med god hjelp av pappa!


Steinmur - mura heilt sjølv :)







 


Diverse strikkaplagg

Og Cd-produksjonen:
Til himmels - med gangar og pols


Her kan du lese meir om produksjonen vår:
http://www.folkemusikk.no/til-himmels-med-gangar-og-pols.5142171-137125.html

Her kan du høyre på plata:
http://wimp.no/wweb/album/?album=18236632

Og om du vil kjøpe plata så sender du ein epost til meg:
Ingunn.s.lie (at) gmail.com



søndag 27. mai 2012

Utfordring

Eg har vorte utfordra av Monisen :) Moro :)

Reglane er:
Each tagged person must answer the 11 questions given to them by
their “tagger” and post it on their blog
- Then, choose 11 new people to tag and link them in your post
- Create 11 new questions for the people you tag to answer
- Go to their page and tell them they’ve been tagged!
- Do not tag back to the person who has already tagged you.

Her er mine svar på spørsmåla frå Mona:

1. Hva er din favoritt farge? Raud
2. Slanker eller feter du opp garnlageret? Hehe... Heilt klart feitar opp!
3. Hvilken årstid liker du best? Vår og sumar
4. Har du en favoritt film? Eg ser ikkje på film...
5. Strikking eller hekling? Det går i perioder, akkurat no er det strikking
6. Foretrekker du te eller kaffe? Kjem an på kva tid på døgnet. Kaffi om morgonen men gjerne te på ettermiddagen
7. Feriere du helst i by, landet eller på fjellet? Eg pleier å si at når eg bur på fjellet så kan eg ha hytte i byen. Storbyferie er knall, men stillheit og ro på fjellet er like bra!
8. Har du et favoritt garn? Alpakka
9. Lager du mest til deg selv eller til andre? Heilt klart til andre :)
10. Har du husdyr? Nei
11. Har du noen annen hobby som ikke er garnrelatert? Alt for mange ;) Puslespel, englar av småting, surfing på internett, scrapbook.


Og her er mine spørsmål:
1 Kva er favorittstrikkemønsteret ditt?
2 Strikking eller hekling?
3 Kva musikk gjer deg glad?
4 Fjellblome eller hageblome?
5 Englar eller nissar til jul?
6 Kvar hentar du inspirasjon frå?
7 Film eller bok?
8 Kvifor blogger du?
9 Kva anna enn strikking likar du å drive med?
10 Kor ville du gjerne budd anna enn der du bur?
11Strikker/heklar du etter mønster eller improviserer du?

Eg har tagga 5 stykker her. Lukke til :)
Maskesprell, strikkelisa, Beates englestrikk, Bundingen, MirreVirre.



torsdag 24. mai 2012

Verdens beste lue

Det har ikkje vorte så mykje strikking i det siste, men då eldsteguten spurte om eg kunne strikke lue til han så var eg ikkje sein om å seie ja. Han fekk vere med på garnbutikken og lua vart lilla i babyull. Guten elskar lua si og brukar den heile tida. Hadde eg ikkje insistert på at han måtte ta den av seg om kvelden så hadde han nok sove med den til og med.

Det er 25 varmegrader ute.
- "Mamma - jeg er kjempevarm, jeg smelter!!"
- "Men då kan du jo ta av deg jakka eller ull-lua, vennen min."
- "Ok, da tar jeg av meg jakka da..."

Det er jammen moro å strikke når resultatet blir så godt motteke! Under er bilder av mine fantastiske gutar frå 1.mai-helga då me var på hytta og Hardangervidda i fantastisk ver.





Ordentleg retrogutt med mine 30 år gamle briller og mariusgenser!

søndag 15. april 2012

Tre mariusgenserar til tre mariusgutar!


ENDELEG har eg fått ferdig genserane til gutane!! Desse hadde jammen liggi lenge no. Eg bestemte meg for at gutane måtte få desse til jul, og julaften berre minutt før me gjekk i kyrkja vart siste tråden festa. Eller - det er ikkje heilt sant, for eg rakk ikkje å feste alle trådane inni genseren til minsten min, men fekk festa nok til at dei ikkje syntest på utsida ;) Gutane vart veldig glade, og då var det verdt alt strevet!




Mønster: Marius
Garn: Sisu
Pinne nr 2,5

lørdag 14. april 2012

Garnkaos, strikkekaos, englekaos - eller berre kaos?

Ja, nokon gonger kan det vere kaos, både på det eine og den andre området. I kjellaren står det 11 kasser med garn - i eit stort kaos. Eg lovde meg sjølv å ikkje kjøpe meir garn i starten av dette året, men slik vart det jo aldeles ikkje... Ikkje uvanleg forresten det der. Eg bestemmer meg for kjøpestopp både no og då, men eg har vel ikkje til no klart å gjennomføre to veker etterkvarandre trur eg ;)

På stugubordet er det englekaos. Eg starta å lage englar like før jul. Desse har vorte øyredobbar, nøkleringar og vinmerker og dei har selt som berre det på frida makeløs. No har eg og min mann feira bursdagane våre i eit ganske så stort lag, og alle gjestene fekk kvar sin engel på tallerken. Så det har verkeleg vore englekaos her.

Og med ny jobb og ny livssituasjon har visst blogginga kome langt ned på lista. Strikking derimot har eg fått gjort litt av alle kveldane eg sit heime aleine i strikkestolen min. Her er ei lita bildekavalkade av det som har vorte laga. Det meste er også lagt inn på butikken frida makeløs, og mykje er alt selt :) Heldige meg som får levere produkta mine dit! Tusen takk!

Mønster: Elf-clobber
Garn: Dalegarn Falk og Sandnesgarn Silk Mohair
Pinne nr 3,5 og 4


Mønster: Leggvarmarar til ei lita bursdagsjente
Garn: Dalegarn Falk og sølvtråd
Pinne nr 5


Mønster: Lange pulsvarmarar - improvisert
Garn: Dobbel tråd med Drops Alpaca
Pinne nr 4



Mønster: Fjellkyrkjeenglar
Garn: Drops Alpaca
Pinne nr 2,5
Mønster: Engle-Marius (tre par)
Garn: Sisu
Pinne nr 2

Mønster: Mariuspulsvarmarar
Garn: Sisu
Pinne nr 2
 

onsdag 28. desember 2011

Hekla pulsvarmarar

Eg fekk det for meg her i desember at eg skulle hekle pulsvarmarar. Det har eg ikkje gjort før. Resultatet vart ganske greit, og inspirasjonen er henta litt herfrå og litt derfrå. Og pulsvarmarane er allerede selt på frida makeløs :)




Garn: Sandnes Mohair, blomar i restegarn av alpakka og bomull.
Heklenål: nr 2,5
Mønster: Improvisert :)